كتبت : شيماء العدل
اشتكى أهالى قرية زيان مركز بلقاس من عدم وجود ديسكات للطلبة بالمدرسة الابتدائية بالقرية وسط تجاهل تام من المسئولين والحمامات بالمدرسة لاتصلح للاستخدام الآدمى .
وطالب الأهالى المسئولين بسرعة التدخل لاستكمال المدرسة وتهيئتها لاستقبال الطلبة وأعرب الأهالى عن حزن الطلبة أول أيام الدراسة وعدم مساواتهم بباقى الطلبة .
وأضاف أحد أولياء الأمور “المحافظ قال أن كل المدارس استعدت للعام الدراسى الجديد واحنا مفيش عندنا مقاعد فى المدرسة لولادنا يقعدوا عليها كدا حرام اولادنا مش أقل من اصحابهم فى المدارس التانية “.
كما أضاف أحد أولياء الأمور “ابنى كان خارج من البيت فرحان بأول يوم دراسة لكن بعد مادخلنا الفصل وملقناش مقاعد ضاعت فرحة أولادنا والحمامات فى المدرسة منظرها صعب جدا ياريت حد من المسئولين يحس بينا وبولادنا ” .
