كتبت : شيماء العدل
اشتكى أولياء أمور مدرسة المنصورة التجريبية للغات من الإهمال داخل المدرسة حيث أكدت إحدى أولياء الأمور أنها عند ذهابها مع ابنها وجدت سلوك الكهرباء متهالكة وعريانة والفصل صغير والديسكات متهالكة والمسامير خارجة منها .
وعند شكوتها للمديرة أكدت أن الفصول تحتاج لتوضيب وتصليح وأنه سيتم عمل جمعية عمومية لتجميع تبرعات لصيانة المدرسة .
كما واصل ولي أمر بنفس المدرسة “الفصل صغير وأولادنا هيقعدوا ازاى 3 فى الديسك كدا حرام بجد وكل الديسكات متكسرة والمسئولين فى المدرسة بيحطوا اول صف بس سليم علشان اللى يدخل والباقى اللى ورا متكسر نعمل اية نقعد اولادنا فى البيت احنا كدا خايفين على اولادنا من المسامير ومن الاهمال اللى فى المدرسة دول أطفال ولازم المسئولين يشوفوا حل ” .
كما اكدت ولية أمر ان فصل ابنها يوجد بها اكثر من طالب ليس لهم مكان للجلوس بسبب تكدس الفصل و يقضون وقتهم واقفين .
وأكد ولى أمر بالمدرسة “المدرسة كانت أحسن وأول مدرسة تجريبى فى المنصورة ليه مش بنقف مع بعض ونرجعها تانى زى الأول كل سنة بقت أسوء من اللى قبلها السنة اللى فاتت كانت مشكلة الباصات ونسيناها وبنتحمل أن فيه خطوط مش موجود لها باصات وبنجيب أولادنا لكن الإهمال فى المدرسة بيزيد والمشاكل بتكتر ولازم يكون فيه حل سريع ” .
