” رئيسي الفاشل ” يرجي قراءه البوست الي اخره بقلم : كمال كبشه
اللي علي ايده انخفضت إيرادات السياحة 27.2% في سنة واحدة بس !!
اللي علي ايديه انهار الاستثمار الأجنبي المباشر بنسبة 44% يعني النص تقريبا لاول مرة في تاريخ البلد !! فشل فوق الوصف ، بالبلدي كدة الانخفاض بنسبة 44% معناه ان المستثمرين هربوا هروب جماعي.
بس الرئيس مع نفسه عايش في وهم ان المؤسسات المالية والبحثية العالمية كلها متآمرة عليه بعد ما النظرة المستقبلية للاقتصاد لأول مرة من 2003 يجتمع عليها التلاتة الكبار ( موديز وفيتش وستاندرد اند بورز ) بتقييم واحد : نظرة سلبية … و بالتالي مجتمع الأعمال والمستثمرين والممولين الدوليين انعدمت ثقتهم بالنظام الاقتصادي !!
و طبعا دي اهم اسباب أزمة الدولار والاقتصاد في البلد مع السياسات الاقتصادية الغير سليمة.
قرض من صندوق النقد بقيمة 31 مليار دولار !!
ديون خارجية وصلت 408 مليار دولار ، و عجز تجاري طبعا بسبب قلة الناتج المحلي و بالتالي وصل الدين الداخلي ل 50 مليار دولار !!!!
بس لان مفيش ارادة سياسية من النظام ككل علي تنفيذ اي اصلاحات والاعتراف بالخطأ لتحسين الاوضاع بدأت الامور تتجه للاسوأ …
واللي زود المشكلة هو الصراع القائم بين البنك المركزي من جهة والحكومة والرئيس من جهة تانية حول اسعار الفايدة ،، البنك المركزي متمسك بسلطاته الدستورية و رفع الفايدة و ده عكس رغبة الرئيس والمجموعة الوزارية الاقتصادية ، ممكن طبعا يتم اقالة رئيس واعضاء مجلس إدارة المركزي لو الصراع استمر و دي هتبقي كارثة.
علشان كدة كل الباحثين الدوليين عارفين ان المستقبل سلبي و العالم كله عرف و شاف و بيتكلم في ده.
و برغم كل ده ماشفتش ولا سمعت مواطن تركي بيقول ( رئيسي فاشل )… … ايوان .. كل اللي فوق ده حاصل في تركيا دلوقتي !!!!
تركيا اللي بيضحكوا عليكم و مفهمينكم انها اقوي اقتصاد و مستحيل ينهار و رافعينهالكم للسما السابعة علي ايد رب النعم اردوجان .. كل الكلام و اي كلام بيتقال عن الاقتصاد التركي عبارة عن بطاطس مهروسة و حمضت.
مش محتاج تسمع مني او من غيري ، ادخل علي جوجل و انت تعرف الحقيقة بنفسك .. دي ابسط ابجديات العقل البشري.
اكتب بس تقرير السمعة الدولية 2016 ، او الديون التركية ، او افتح بلومبرج و دور علي التحليلات الاقتصادية الخاصة بتركيا ، ولا موديز ، ولا بلاش ، ادخل علي صندوق النقد الدولي و شوف مكتوب ايه عن تركيا !!!
مش مهم تاخد بالك ان حجم ديون مصر الخارجية 16% .. لكن المهم انك تشوف ان حجم الديون الخارجية لتركيا 55% !!! يعني كارثة بكل المقاييس !!!
