هانى توفيق
اليوم ذهبت الى سجل مدنى حلوات وعندإقترابى من السلم سمعت صوت عال جدا لسيده وعندما طلعت حيث السجل المدنى لقيت موظفه تعاقب الجمهور بطريقه سيئه جدا وعندما إقتربت من الناس وجدت طابور طويل جدا والموظفه قاعده قدام الشاشه بتتكلم فالتليفون موبايلها وبرضوا عماله تزعق وبعدما الناس زهقت وقالولها مشينا يامدام راحت الموظفه مزعقه فيه وقالتله اللى مش عاجبه يمشى ويجى بكرا طبعا الناس سكتوا علشان بقالهم ساعتين وثلاثه طبعا الموظفه متعمجه تزهقهم علشان قعدت أكلت بعدكده وراحت تصلى وكل ده والناس لسه واقفين والله هذا حدث قدام عينى الغريب فى الموضوع إن الناس كانوا ساكتين ومحدش طلع هزقها بصراحه المشهد ده محتاج وقفه الجمور من الناس مايستحقوش مننا كده المفروض الموظفه دى تنحاسب
ملحوظه:
وانت داخل السجل المدنى بحلوان هتشوف منظر مش هيعجبك هتشوف على السلالم كراكيب قافله الطريق يدوب تعدى وطبعا جوه السجل إدفع علشان تعدى طيب الساده المسئولين هيعجبهم المنظر ده طيب وياترى بعد مايتأكدوا من صحة البلاغ هيحاسبوها الموظفه دى ولا حقك عندالحكومه
انا بجد متضايق من اللى شوفته فى السجل النهارده من تسيب وإهمال ومعامله سيئه للناس
منتظرين تحقيق فالموضوع