كتبت : شيماء العدل
انتشرت في الآونة الأخيرة “موضة” جلسات التصوير ، واستغنى البعض عن استديوهات ﺍﻟﻔﻮﺗﻮجرﺍﻓﻲ، وحلت محلها أماكن التصوير خارجها، وتعتمد الجلسات بشكل كبير على اختيار الأماكن المميزة، للحصول على صور تبقى للذكرى .
نور الله عمرو 7 سنوات من مدينة السنبلاوين التابعة لمحافظة الدقهلية ، فازت بلقب وصيفة مس دلتا في مسابقة مس دلتا الأخيرة ، فكرت في فوتوسيشن بشكل جديد ومختلف وذهبت مع والدتها للدور السابع بمستشفي الأورام بجامعة المنصورة .
تعرفت نور علي الطفلة جنا بمستشفي الأورام ، وأرادت أن تفكر في فوتوسيشن جديد ومختلف بمشاركتها ويساعد في ادخال البهجة عليها.
قالت نرمين والدة نور ل “المنصورة توداى” “كل الناس بتزور مستشفي الأورام بتاخد لعب وأكل وشرب وأنا فكرت اغير وأخد فستان وباروكة للطفلة جنا وأعمل لبنتي معاها فوتوسيشن ، وفكرته كانت لإدخال البهجة والسعادة علي جنا ” .
وأضافت والدة نور “فكرة باروكة لطفلة شعرها بيقع كانت جميلة وجنا فرحت أوي بالباروكة وجبنالها فستان جميل ، وأخدناها خارج المستشفي وعملنا السيشن في حديقة علي المشاية ، وأكتر حاجة فرحتني فرحة جنا ” .
وأشارت “قررت أعمل حملة وأجمع من إصحابي فساتين ، ونجمع فلوس ، ونجيب باروكة لكل طفلة في مستشفي الأورام وندخل عليهم الفرحة ونفرح بنات أكتر وبتمني من الناس تعمل كدا ونفرح قلبهم ” .
