كتب ياسر عبد الرازق
تبني شباب من مدينة المنصورة من اعمار مختلفة فكرة جديدة غير مسبوقة لمواجهة ارتفاع اسعار اللحوم وعدم قدرة الكثيرين علي شرائها مع قرب عيد الاضحي. التقت المنصورة اليوم مع “اية ياسر “ليدر تيم سبع سنابل الخيري وصاحبة الفكرة للحديث عن الفكرة وكيف نجحت قالت ايه ياسر: فكرة الجروب هو تجميع الف عضو و كل واحد يدفع 20ج يعنى إجمالى 20 الف نقدر ندبح بيهم خروفين أو نساهم في صك و طبعا دا صدقه و من افضل الأعمال الي يقوم بها المسلم خصوصاً في الايام المباركه دى و الثواب مضاعف اضافت المبلغ بسيط جدا جدا بس حقيقي هيساهم في ستر اسره و فرحه اطفال نفسها تأكل لحمه اضافت اية للمصداقية فيديوهات الدبح و التغليف و التوزيع يتم نشرها علي الجروب ،و متاح كمان تحضر التوزيع و توصل للحالات بنفسك وارسال المساهمة علن طريق رقم فودافون كاش. نجحت الفكرة وتم تجميع ٢٠ الف جنيه وتم شراء خروفين وتوزيع لحومهما علي الاسر الفقيرة المتعففة. شكرت اية كل من شارك في نجاح الفكرة واكدت ان هذا ليس غريب علي شباب مصر الذي يعشق العمل الخيري ومساعدة الآخرين.
التعليقات متوقفه