متابعة : شيماء العدل ، أحمد الحمامصى
عانى الناس من الإزدحام والتكدس أمام مدرسة جواد حسنى بالمنصورة لأنها المدرسة الوحيدة التى يتم بها تحويلات بين المدارس بمحافظة الدقهلية .
حيت قالت مها أحمد “احنا جينا يوم تقديم الأوراق وملقناش موظفين ولما طلعنا للمديرة قالت روحوا لوكيل الوزارة رغم أنهم عارفين ميعاد التقديم ولم يقوم بالاستعداد ولقينا شباك واحد صغير ومفتوح وعليه زحمه ووقفنا كتير لحد ماقدمنا الورق ورجعنا النهاردة وبرده زحمة نروح لمين كدا كتييير ” .
وواصل أحمد محمود ولى أمر “نفس المنظر لتانى مرة تعليق الناس كل تحويلات محافظة الدقهلية فى مكان واحد ومن الساعة 7 الناس واقفين ف الشارع بنحاول نسمع الموظف الوحيد اللى بينادى على الاسماء وطبعا صوته مش مسموع على الاطلاق ،، وعبرت منى السيد ولية أمر عن استيائها “احنا واقفين من الساعة 7 وأنا بحول للأزهر والتحويل بيفتح يوم أو اتنين وأنا خايفة ملحقش أنقل لابنى ” .
كما واصل شكرى السيد “لازم يكون فيه ميكرفون علشان نسمع صوت الموظف وهو بينادى على ولادنا كدا حرام والله “.
واقترح محمود إبراهيم “ليه ميبقاش مدة التحويل وقت أطول من كدا علشان الزحمة تقل وليه مدرسة واحدة فى المحافظة اللى مسئولة عن التحويل المفروض يبقى كل مركز فيه مكان للتحويل ومنفضلش نتبهدل كدا كدا حراام ” .
