بالصور ..ازدحام وإغماءات بسبب تحويلات الطلبة للمدارس بالدقهلية

كتبت : شيماء العدل 

أعرب أولياء أمور محافظة الدقهلية ، عن استيائهم من التكدس بمدرسة الشهيد جواد حسني بمدينة المنصورة أثناء قيامهم بالتحويل من مدرسة لأخرى بنطاق المحافظة ، لأنها المدرسة الوحيدة التى يتم بها تحويلات بين المدارس بالمحافظة .

قال محمود عبد السلام أحد أولياء الأمور “ذهبت للتحويل لنجلى من مدرسة بطنطا إلى مدرسة بالدقهلية ، وكان لابد من تقديم طلب التحويل بمدرسة جواد حسنى ، وفوجئت بشباك واحد مغلق بحديد وعليه ازدحام غير طبيعى رجال وسيدات ، ولايوجد أى تنظيم لتسهيل التقديم .

واقترح إبراهيم السيد “ليه ميبقاش مدة التحويل وقت أطول من كدا علشان الزحمة ، تقل ويكون فيه أكتر من مدرسة فى المحافظة وليست مدرسة واحدة مسئولة عن التحويل ويبقى كل مركز فيه مكان للتحويل ومنفضلش نتبهدل اللى بنشوفه دا حرام ” .

وواصلت مها أحمد أحد أولياء أمر “نفس المنظر بقالنا كام سنة ، تعليق كل تحويلات محافظة الدقهلية فى مكان واحد ومن الساعة 7 الناس واقفين فى الشارع .

وعبرت هالة عبد الله ولي أمر عن استيائها “احنا واقفين من الساعة 7 والمشكلة أن فيه وقت معين للتحويل ، وأنا خايفة ملحقش أنقل لابنى ” .

كما واصل السيد شكرى “لازم يكون فيه حلول أو على الأقل يكون فيه ، ميكرفون علشان نسمع صوت الموظف وهو بينادى على ولادنا كدا حرام والله “.

يذكر أننا عرضنا نفس المشكلة العام الماضى ،  وحتى الآن لاتوجد أى حلول لها .