سما المصرى ل “شيرين عبدالوهاب ” ان كنتوا نسيتوا اللي جري….الله يرحم ايام الكحرته..والشبشب ابو ورده

كتب : سحر جادو
شهدت مواقع التواصل الأجتماعى حالة من الغضب والأستياء بعد تصريح الفنانة شيرين عبدالوهاب من تصريحها بأحد الحفلات بلبنان عندما طلبت منها معحبة غناء «ماشربتش من نيلها» في حفلة ببيروت وردت شيرين عليها بـ«هيجيلك بلهارسيا».

وأثار تصريح الفنانة شيرين استياء الجمهور على شبكات التواصل الاجتماعي، ونشرت الفنانة سما المصري عبر حسابها على «الفيس».

ونشرتصورتين لشيرين قالت إنَّها قبل الشهرة وبعدها للسخرية منها، وعلقت عليه وكتبت كما يلى :-

سما المصرى Sama Elmasry
ان كنتوا نسيتوا اللي جري….الله يرحم ايام الكحرته..
الاخت الفنانه شيرين في واحده في حفله طلبت منها اغنيه((ماشربتش من نيلها)) فردت عليها وقالت لها((هيجيلك بهارسيا)) اشربي مياه((ايفيان احسن)) ودا نوع مياه معدنيه اجني والكلام دا موجود في فيديو مش من عندي.دي صوره الاخت الفنانه شيرين ايام ماكان عندها بهارسيا ايام ماكانت بتشرب من ميه النيل قبل ماتتعلم انجليزي وتعرف تقول اسم الميه المعدنيه بالانجليزي……اللهم يرحم كنتي زمان فاكره الليبتون دا رئيس امريكا وكنتي فاكره الكريسماس دي ايس كريم انتي اللي قلتيلي كده فاكره؟؟….بصي انا مش هقولك مصر اللي عملتك ولا مصر اللي نضفتك ذي ناس كتير ماهتقولك كده لا سمح الله لا انا هقولك ميه البلهارسيا دي بتاعت مصر…عارفه يعني ايه مصر ولا مش عارفه ؟؟هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانه ونجمه وانتي طايحه في خلق الله مره عمرو دياب ومره شريف مدكور وصوتي لعساف ضد احمد جمال ابن بلدك…بصي يابنتي انا عارفه انك بتحبي لبنان عشان ماعندهمش بلهارسيا زينا ريحنا منك ومن طوله لسانك علي الناس وعلي مصر اللي بقي يقل ادبه حتي علي مصر اللي ربتك انتي وعيلتك كلها وروحي عيشي في لبنان والله هنكسر وراكي زير…بلد البلهارسيا ماتنفعش تعيش فيها واحده ذيك بتاعت ميه معدنيه وفساتين براندات وبارفانات وحاجات سيبي دا للغلابه…فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو ورده؟؟ لسه موجود المطعم ويشهد انك كنتي مش لاقيه حتي تشربي ميه البلهارسيا لا انتي عارفه كنتي بتشربي ميه ايه….ايوه هي الميه الصفرا دي هي دي للي كنتي بتشربيها اللي كلها املاح دي……دي فعلا اللي تليق ليكي….ياتروحي لبنان …ياترجعي تشربي الميه الصفراء المملحه ….ياتعتذري لمصر…مصر اللي عملت منك فنانه وتعتذري للمصريين كلهم….ملعون ابو الشهره ياشيخه اللي نستك اصلك واهلك وبلدك….يلعن ابو الاحداس..دا انتي مفيش دم ولا احساس ولا اي حاجه…..مصر بتمسي عليكي بصورتك القديمه دي وبتقولك اوعي تنسي نفسك لانك لو نسيتي المصريين مابينسوش يابتاعت الميه المعدنيه….سبحان العاطي الوهاب بعد الشبشب والقبقاب يابنت عبد الوهاب………….غوري باه لو مش عاجبك البلهارسيا عشان انتي ماتستحقيش تقعدي ف مصر…طبعا الحبيبه هيقولوا لي بصي للبسك الاول…ايوه ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل…ليل اسود ياشيخه عليكي لما تتريقي علي بلدك..