البتيفور الناااعم احلى من بتاع المحلات
طريقه حماتى ناجحه جدااا وطريه وبتدوب في البق ومش كلام
قبل مانعمل البتيفور نخرج المقادير قبلها بشويه عشان تكون بحراره الغرفه
المقادير
4 كوب دقيق منخول
2 كوب سمنه بلدى
2صفار بيض
2 معلقه صغيره مليانه بيكنج بودر
1 كوبايه سكر بودره منخول
1 معلقه كبيره فانيليا
1 معلقه كبيره او اكتر كاكاو خام (اختيارى)
رشه ملح
التزيين
فارماسيل
مربي
شيكولاته سايحه
سوداني ومكسرات مطحونه
الطريقه
الاول هانضرب السمنه مع السكر لحد ماتدوب وتبئه كريمي وننزل عليهم صفار البيض وعليهم الفانيليا وتضرب تانى كويس
هاننزل البيكنج بودر عالدقيق مع رشه ملح وننخلهم عالخليط ونقلب لحد ماتلم ومنكترش ف التقليب ومانعجنش خالص
ممكن جدا نضيف ككاو خام لنص العجينه لو حبينها بالشكولاته
الخطوة دى مهمه
لازم تدخليها التلاجه عشان نعرف نشكلها كويس في المكنه كل ماتسقع وتمسك نفسها كل ما اشكال التقطيع هتكون ظاهره
افردى ورقه زبدة وتكونى فاتحه الفرن قبلها على 170 لما تستوى يادوب تاخد لون دهبي من تحت طلعيها وهى لسه طريه لكن خليها في الصينيع لحد ماتبرد خااالص وطلعيها ورصيها بره
لو طلعتيها وهى سخنه هاتكسر وتبوظ لازم تبرد وهى لسه ف الصينيه
بجد ناجحه جدا
