تقرير : شيماء العدل
ثلاث فتيات لم يستسلمن للبطالة ولا للجلوس في المنزل، تحدين عادات المجتمع وفكرن في إبداع بإقامة مشروع خاص بفكرة بسيطة وهي عربية مأكولات ومشويات بأسعار مناسبة للجميع ، وأخذوا يظهرن مهارتهم فى إعداد أشهى المأكولات .
قالت سالي محمد عبد المطلب صاحبة المشروع حاصلة علي ليسانس آداب صحافة 33 سنة من المنصورة أنا مسئولة عن 3 أطفال ، وفي ظل الغلاء وعدم وجود مجالات عمل جاءت فكرة المشروع ، ليكون دخل اصرف منه علي ولادى واقدر اعملهم حاجة وأردت تنفيذ مشروع جديد للاعتماد عليه في حياتي ، ووجدت من عربة المأكولات Enawy bike فكرة جديدة .
وقررت الوصول إلى النجاح بطرق جديدة بمساعدة شقيقتي الصغيرة ضحي 20 سنة طالبة في كلية تربية علم نفس وحبت الفكرة وحبت تشاركني وتشتغل معايا وبنت خالتي آلاء أحمد 27 وحاصله علي ليسانس حقوق ودبلومة في القانون العام تسكن في القاهرة ، وشجعت الفكرة لانها بتشوفها هناك كتير ومعانا أيضا خالي خالد السيد القناوي 44 سنة موظف وعنده 4 أولاد وفي ظل الظروف الصعبة والغلاء لازم يزود دخله فاتفقنا علي المشروع دا نتجمع فيه وكل واحد يحط فكرته وسميناه علي اسم خالي احتراما له ، واتخدنا من منطقة المشاية مكانا لنا.
وأضافت سالي عملنا المشروع وطبعا مخفناش من التحرش أو من نظرة الناس لأننا نقدر ندافع ونحافظ علي نفسنا كويس ، ويشرفنا إننا بنات وبنجتهد ونشتغل أحسن مانقعد عاطلين في البيت أو نحتاج لحد ، وياريت كل الشباب يفكر في المشاريع دى ويسعي ليها .
وأشارت سالي أن هناك العديد من الصعوبات واجهتهم في مشروعهم أهمها “المرافق والحي اعترضوا علي وقفة العربة ومشونا من مكانا ومنعونا من الشغل وكانوا هياخدوا العربة كمان ” .
وأكدت سالي “تكلفة المشروع تعدت 10 آلاف جنيه ، ونعمل علي تقديم أنظف المأكولات المشوية بنظافة لأن حلمنا نكبر مشروعنا والناس تعرفنا أكتر ونبقي سلسلة بايك ودا بيخلينا نقدم أنظف حاجة للناس ” .
وعن حلمهما قالت فتاة العربة ” بنحلم بالرخصة علشان نقف براحتنا ، وبنحاول كثيرا الحصول على ترخيص للعمل، ونطرق كل الأبواب، ولعل قرار الرئيس لفتاة فى القاهرة يفتح المجال لساحات الطعام ومشروعات الشباب فى باقى الجمهورية”.
