تحقيق / أحمد وجدى الجوهرى
بعد تفشى ظاهرة سرقة السيارات وظهور حالات البلطجة على الطرق ، فقد أصبحت عملية سرقة السيارات تتم بشكل منظم مما يدل على وجود عصابات متخصصة فى السرقة تقودها مافيا .. هذه العصابات وجدت الانفلات الأمنى تربة خصبة لتنفيذ أهدافها غير الشرعية وسرقة السيارات فى وضح النهار، حتى أن بعض معارض السيارات أصبحت تعمل فى مجال السيارات المستعملة ” المسروقة ”
بين أيدنا اليوم فى مواطن تعرض لحالة نصب علنى من صاحب معرض سيارات وبعد أن قدم شكواه للنيابة العامة تقدم بشكوى للمنصورة اليوم .
ويروى المواطن ط . م تفاصيل الحكاية من البداية وحتى النهاية :
” انا روحت معرض الأصدقاء الموجود بمنطقة الدراسات بالمنصورة علشان اشترى عربيه هيونداى ماتريكس خدنى معاه شربين قالى فيه هناك عربيه كويسه تعالى نجيبها روحت معاه شفت العربية وعجبتنى واخدت العربيه ودفعت فلوسها بالكامل 90000الف جنيه ،
قالولى هاتروح يوم التلات الفحص هتقف فى الصف زى اى حد هتلاقى واحد جايلك هتديله العقد والفاتوره و هو عارف العربيه هيخلص ، – رحت المرور ووقفت فى الصف وجالى فعلاً واحد من الناس اللى بيقفوا قدام المرور ( انا عارف شكله لانه علطول واقف قدام المرور بيخلص اى حاجه بالفلوس ) المهم العربية اتفحصت وتمام مفيش مشاكل … بعد كده طلبوا مطابقة بصمة . فبنسأل على الملف طلعت العربيه مسروقه ومفيش ملف وحجزوا العربية فى المرور . وطلع العقد اللى بينهم وبين صاحب العربية الحقيقى ( مزور )
المعرض الاول موجود بمنطقة الدراسات بالمنصورة وصاحبه اسمه ت. ب
المعرض اللى فى شربين صاحبه اسمه ع . م وشهرته ع. العربى وبعدين جابلى ورق العربيه كله مزور . طلبت فلوسى من اللى انا دافعها له عمال بيماطل معايا فذهب لقسم الشرطة وحررت محضراً .
