كتبت : شيماء العدل
تعتبر مدرسة المنصورة التجريبية من أكبر وأقدم المدارس بمدينة المنصورة واشتكى أولياء الأمور بالمدرسة من تعرضها للانهيار وخوفهم على أبنائهم داخل المدرسة حيث أكدت إحدى أولياء الأمور أنها عند ذهابها مع ابنها وجدت الجدران آيلة للسقوط و سلوك الكهرباء متهالكة وعريانة والفصل صغير والديسكات متهالكة والمسامير خارجة منها .
وأبدى أولياء الأمور استيائهم من الحالة التى وصلت إليها المدرسة ومفاجئتهم بعدم صيانتها برغم مرور أكثر من ثلاثة شهور هى مدة الأجازة الصيفية كان من الممكن خلالها ترميم المدرسة .
وحرر عدد من أولياء الأمور محضرا بقسم شرطة ثان المنصورة، اتهموا فيه وكيل وزارة التربية والتعليم ومدير هيئة الأبنية التعليمية، بالإهمال والتقصير لوجود العديد من الشروخ بالجدران وتآكل الأبنية مما يهدد حياة أبنائهم.
وأكد أولياء الأمور ضرورة عمل صيانة للمدرسة نظرا لتهالك المدرسة قبل حدوث كارثة كبرى كما أكدوا تهالك الباصات الخاصة بالمدرسة أيضا وعدم صلاحيتها لتوصيل الطلاب وماتشكله من خطوره عليهم .
وقالت ندا أحمد أحد أولياء الأمور بالمدرسة “بقالنا سنين بنناشد المسئولين علشان مشكلة الباصات لأنها متهالكة وغير صالحة وفيه عجز فى خطوط مش موجود لها باصات والمدرسة عايزة صيانة ليه مفيش حل علشان المدرسة ترجع زى ماكانت أحسن مدرسة فى المنصورة هما المسئولين مش بيتحركوا غير بعد ماتحصل كارثة احنا عايزين قرار عاجل ينصفنا ” .
كما واصل محمود عبد السلام ولي أمر بنفس المدرسة “الفصل صغير وأولادنا هيقعدوا ازاى 3 فى الديسك كدا حرام بجد وكل الديسكات متكسرة والمسئولين فى المدرسة بيحطوا اول صف بس سليم علشان اللى يدخل والباقى اللى ورا متكسر نعمل اية نقعد اولادنا فى البيت احنا كدا خايفين على اولادنا من المسامير ومن الاهمال اللى فى المدرسة دول أطفال ولازم المسئولين يشوفوا حل ” .
كما اكدت سهام محمود ولى أمر أن فصل ابنها يوجد بها اكثر من طالب ليس لهم مكان للجلوس بسبب تكدس الفصل و يقضون وقتهم واقفين واحنا خايفين للمدرسة تقع على أولادنا .
وأكد ولى أمر بالمدرسة “المدرسة كانت أحسن وأول مدرسة تجريبى فى المنصورة ليه مش بنقف مع بعض ونرجعها تانى زى الأول كل سنة بقت أسوء من اللى قبلها السنة اللى فاتت كانت مشكلة الباصات ونسيناها وبنتحمل أن فيه خطوط مش موجود لها باصات وبنجيب أولادنا لكن الإهمال فى المدرسة بيزيد والمشاكل بتكتر ولازم يكون فيه حل سريع ” .
