كتب اسلام نبيل
رد صبرى نخنوخ رجل الأعمال وأحد المتهمين فى قضايا عنف وبلطجة سابقا، على ما ساقه المستشار مرتضى منصور رئيس نادى الزمالك، فى الفيديو الذى بثه مهاجما لؤى دعبس دون أن يسميه مكتفياً بجملة: “عن المعتوه أتحدث”.
وقال مرتضى: ”يا ولد يا صايع لما تدخل معركة شوف خصمك الأول أنت عيل صايع وبلطجى، والدولة دى دولة قانون وفيها رئيس محترم حتى هو مرة قال لن اسمح بالفوضى، أنت عايز تبقى نخنوخ الجديد.. بس نخنوخ دخل السجن واخد على قفاه وطلع”.
فيما كتب نخنوخ على صفحته الشخصية عبر “فيس بوك”: “شخص غير طبيعى وخسارة الرد على شخص مريض نفسى مجنون شهرة بيتحمى فى الحصانة لكن إحنا فى دولة قانون وأنا هاخد حقى بالقانون وخسارة الرد علية أصلا لان كل الناس تعرف أنا مين وهو مين”.
وتابع نخنوخ: “وجارى اتخاذ الإجراءات القانونية ضد هذا المعتوة وأنا اللى هعلم أمة الأدب اللى كان بيستخبى لما يسمع اسمى أنا اسمى المعلم صبرى نخنوخ بالأدب لكن أنت معروف بقلة الأدب ومكروة من كل الناس.. عن المعتوه أتحدث”.
وفى وقت سابق، وجه مرتضى منصور ، رئيس نادى الزمالك، رسالة قاسية إلى عضو مجلس الإدارة السابق وبطل المصارعة لؤي دعبس، وذلك بعد وقوفه أمام النادي منذ أيام وتصوير فيديو طالب فيه رئيس نادى الزمالك بالحضور
وقال مرتضى منصور فى فيديو بثته عبر قناته على اليوتيوب:”فى عيل بلطجى صايع اسمه لؤي دعبس واكل ميت علقة قبل كده، وفى مرة كان واقف بيدخن قولتله هديك دقيقة واحدة يا ولد ترمى السيجارة وتطلع تجرى من هنا، وجرى زى النسوان”.
وأضاف:”الولد ده مسجل خطر بيقول هو راجل وأنه اتصور قدام النادي وأنا كنت عند مدير الأمن عشان إجراء، طب لو أنت راجل أنا موجود فى النادي ولو راجل قرب من بوابة النادى، وبيتهيالى أخوك منذر أكل علقة من واحد اسمه على الصعيدى وضربوه علقة، وأنت جيت تتكلم اخدت على قفاك”.
وأشار:”أنت مجرم وبتاجر فى كل حاجة محرمة وهنزل صورك بالسلاح دلوقتى، وكمان خاطف عمر ابن هويدى ومخبيه عند خالتك وهى معاها حكم، وكمان كسرت مستشفى الصفا قبل ما تروح السعودية، وحرقت مقر عبد الرحيم على فى الانتخابات”.
وأكمل :”أنا فاكر إنى طلعتك 4 مرات من السجن فاكر فى موضوع عبد الرحيم عائلتك قالوا بيعيط زى النسوان، بس أنت واضح أنك محتاج رباية من أول وجديد، أنا أول مكان ذاكرت فيه عند فتحى دعبس كنت أنت لابس بامبرز وقتها، وأنت من حى محترم اسمه ميت عقبة لكن أنت نبت شيطانى”.
وأردف:” بتاجر باسم الراجل إبراهيم العرجانى عمال تقول هوا اللى مساعدك يا كداب العرجانى ميعرفكش ولو اتكلمت عنه تانى، لو أنت راجل أعمل فيديو ورد قول لو مش عملت الفيديو البس طرحة وقول أنا مرأة”.
وقال:”عمال تهدد الناس بإبراهيم العرجانى، وميعرفكش يا صايع يا بطلجى، ولو أنت عارفه أعمل فيديو وقول إنه بيدعمك وأنت مش هتروح السعودية تانى خلاص بتدعى أن قنصل السعودية عزمك وطلع كدب”.
