كتب ياسر عبد الرازق
قام جروب رحماء الخير بتوزيع حلوى المولد بمناسبه المولد النبوي الشريف بشوارع المنصورة، في أبهى صور الوحدة الوطنية، والتي يتميز بها الشعب المصري.
تقول شيرين عياد مؤسسة الجروب
نحتفل مع اخواتنا المسلمين كل سنة بالمولد النبوي في كل مكان والسنة دي وصلنا لأكبر عدد من الناس علي قد ما ربنا قدرنا نزلنا للحالات الأكثر احتياجا في البيوت وكمان نزلنا وزعنا حلاوة المولد والارز بلبن في الشوارع المنصورة علي الناس اللي أمام المستشفيات والأطفال اللي في الاشارات علشان نفرحهم ونفرح معاهم بمناسبه المولد بجد كفايه فرحه الناس والأطفال ودعواتهم لينا وللناس اللي بتساعد معانا في الخير.
أضافت شيرين بشكر كل الجروب اللي تعب معانا الاستاذه مروة ممدوح والأستاذ ايهاب عابدين والاستاذ وليد صلاح والأستاذ ايهاب عياد والطفلتين الجمال جدا اللي بجد تعبو وكانو فرحانين بتوزيع الحاجه الطفله مريم ايهاب وايلاريا إيهاب.
يقول إيهاب عابدين احد المشاركين في التوزيع، كنا سعداء جدا واحنا شايفين الفرحة في عيون الناس وخصوصا الآطفال وكان شعور جميل جدا نسانا اي تعب واي مجهود قمنا بي، وبشكر جدا الأستاذة شيرين عياد على روحها الجميلة وكل الجروب اللي معاها.
